“Yeh Kaisa Vikas”

My new Article on the hot topic "Vikas" Please read it...ur suggestions are invited..thank you “Yeh Kaisa Vikas” Kya ho raha desh main,koi vadra ki jameen ke liye ro raha aur koi adani ki jameen ke liye.Parantu unke bare me koi nahi soch raha asal me jiski wo jameen thi, Ji haa wo kisan,wo majdur ya yun kahein ki we vyakti jo un jameeno ke malik the,un logo ka kya hua.Vadra 300 crore ke,Adani 30000 crore ke par wo asli malik aaj 300 rupye roj kamane ke liye bhatak raha. Kya pata kese halat aa gaye is desh me jise jameen ki,ghar ki jarurat hain,use deneke liye sarkaro ke pas kuch nahi,lekin we crorepati log jinke pas aalishan makan hain,arbo ki sampaatti hain unhe sarkar ek rupye,dedh rupye ya fir 15 rupyo ke hisab se ek ekad jameen de deti hain, Kyo? Sirf udhyog ke nam par,Rojgar ke nam par. Lekin me puchta hu jin hajaro logo ki jameen aapne li kya unke pariwar k eek bhi sadsya ko rojgar pradan kiya,kya sarkar ne unse jameene lene ke bad unhe dilasa ke siwa kuch diya..garibi , lachari, bechainee ke alawa unhe kya mila.hum kya kar rahe hain,hamari sarkare hamare neta kya kar rahe hain samaj me samanata lane ki bajaye kyu hum vibhajanta ko janm de rahe hain.kyu aise karya kar rahe hainjo amiri-garibi ki diwar ko khatam karne ki bajaye viprit use aur bada deti hain. Mera itna kehne ke bad kisine mujhse pucha – isme sarkar ki kya galti ? Main kehta hoon isme sarkar ki hi to thi galti.aapko rajya ya desh ka vikas karna tha beshaq karte,udhyog lagwana the beshaq lagwate.aap jameen dete samay ek legal document banwa sakte the,jin jin vyaktiyo ne jameene di,unhe rojgar dilwa sakte the.rojgar na dene par jameen wapas adhigrahit kar sakte the.ek legal document aisa bana sakte the jo aapko rojgar guarantee ke wado ko,sapno ko dilasao ko haqiqat main badal dete.main yeh manta hu ki yadi ek sarkar jameen adhigrahan karke kisi ko de sakti hain to use wapas lene ka adhikar bhi rakhti hain. Is par kisi ne ek aur sawal pucha – kya high technical,naye jamane keudhyogo mekisano majduro ko rojgar sambhav hain? Mene kaha haa,jab anpad log,kisan log kuch karne ke liye,apni jarurat ko pura karne ke liye mehnat kar khud sikh kar durlabh avishkar kar sakte hain,to ek uchch udhyog ke dwara training prapt kar,us karya ko sikh kar kyo nahi kar sakte. Anta me mera aapse sawal – “Ye kaisa vikas” Jo bas kuchek logo ki jarurat,jindagi ke liye hajaro logo ki jindgiya barbad karde.ye kaisa vikas jo logo ko rojgar ki aad me beghar karde,are ye kaisa vikas jo amiro ko aur amir avam garibo ko aur garib karde” “Aaj desh ko aadharbhut dhancho ke vikas se pehle jarurat hain apne vicharo ki,naitik mulyo ke vikas ki” 3rd May 2014 Vaibhav Gadia Indore(M.P) +919406686855